A nutrida representación que acudiu á rolda de prensa «enfatiza a importancia da Copa Vigo de fútbol», explicou o rexedor, pois «non é unha competición calquera, é unha gran competición de fútbol, grande no ámbito de Galicia e no ámbito de España pola tradición e a calidade. Arrinca en 1933 e é o torneo de fútbol máis antigo de Galicia».
Caballero destacou que a masculina é unha final inédita pois nunca na historia enfrontáronse ambos equipos no partido decisivo, con cinco títulos no palmarés da competición para o Santa Mariña e dous para o Victoria.
En féminas, as semifinais, a partido único, serán El Olivo-Matamá e Alertanavia-Sárdoma o 17. «Non queremos interferir no ‘play-off’ de ascenso do Olivo, ao que lle desexamos o mellor e que ascenda (xoga este domingo en Navia contra o Oiartzun)», dixo o xefe do goberno municipal. O alcalde lembrou que a versión feminina do torneo copeiro «puxémola en marcha en 2013», con idénticos premios que a masculina: 1.000 euros para o campión e 500 para o equipo finalista.
Enrique González, representante da Federación Galega de Fútbol en Vigo, indicou que o crecente éxito do evento é claro: «Cada vez a competición é máis atractiva, hai un sentimento de viguismo, de fútbol de Vigo, e este é o maior acontecemento da historia para o fútbol local. Un par de equipos quédanse sen xogar por tema de quendas de traballo».
Preguntado o alcalde de Vigo por si houbo dúbidas en canto ao escenario polas obras, Abel Caballero dixo que «tiñámolo asegurado. Tiñamos dúbidas da Vigo Cup, que é máis adiante, pero a Copa Vigo xa sabiamos que se ía a xogar en Balaídos porque non interfería a obra. A obra tiña que estar xa en marcha e que o atraso da Diputación en asinar o convenio paralizou porque está sen contratar ao non ter o convenio asinado. E a Vigo Cup xogarase tamén en Balaídos».
