O cometido non se lle presentaba fácil os vigueses, pero lonxe de amedrentarse creron nas súas posibilidades e foron a polo partido. «Saimos sen complexos, xogamos con todo o carácter que ten este equipo e pouco a pouco fomos aproveitándonos das súas deficiencias», felicitábase o técnico ‘Mingos’ tralo encontro.
Tanto foi así que o Distevi Seis do Nadal Coia mantívose por diante no marcador durante boa parte do partido e ata se foi ao descanso gañando de dous goles (14-16).
Na reanudación o equipo blaugrana saíu mais enchufado e remontou o marcador, póndose dous arriba, pero os vigueses souberon reaccionar a tempo conseguindo darlle de novo a volta o partido.
«No treito final recuperamos a renda de dous goles. Logo entramos no último minuto gañando de un, con posesión para o noso rival, e como sabíamos que o empate nos valía, conseguimos aguantar o resultado ata o final», lembraba o adestrador do Distevi Seis do Nadal Coia.
Ese resultado permitiulle aos vigueses acabar a liguilla de grupo no segundo posto e clasificarse para xogar ás semifinais, eliminatoria na que se verán as caras co KH-7 Bm Granollers, que rematou primeiro do Grupo I. O partido xógase este sábado ás 17.00 horas.
