A novidade deste ano foi a presencia no Atlántico Express dun notable grupo de blogueiros e recoñecidos usuarios das redes sociais procedentes da provincia, doutras cidades como Oviedo ou Barcelona e de Portugal, que se incorporaron ó tren á volta de Porto, e que pasarán este domingo de visita nas Rías Baixas.
Entre todos eles e elas convirtiron Rías Baixas en protagonista na internet. De feito, a súa chegada á Porto, a expedición mantivo un encontro cos ‘instragramers’ da cidade portuguesa e cos promotores dos RíasBaixasFests na zona da coñecida Torre dos Clérigos.
O Atlántico Express contou coas actuacións en directo dos grupos e solistas Basanta, Tincho Fernán, Najla Shami e Mounqup. Todos eles e elas actuarán este verán nalgún dos Festivais Rías Baixas, Atlantic Fest (A Illa de Arousa), Cultura Quente e Port América (Caldas de Reis), O Marisquiño (Vigo), SinSal Son Estrella Galicia (Illa de San Simón), Son Rías Baixas (Bueu), Revenidas (Vilaxoán) e Vive Nigrán (Nigrán) ademais da festa conxunta que celebrarán en Cambados como peche da campaña por mor do título de Cidade Europea do Viño.
E a música que non falte no #AtlanticExpress, da man de @mounqup (que tocará nos #RiasBaixasFests) pic.twitter.com/Q0hFa8or1P
— DeputaciónPontevedra (@depo_es) 3 de junio de 2017
Ademais da música en directo, os viaxeiros e as viaxeiras puideron desgustar a bordo do tren de diferentes productos gastronómicos, tradicionais, orgánicos e ecolóxicos de varias comarcas da provincia como os queixos da Queixería Cobideza que ademais foron servidos pola mestra queixeira Berta González, marmeladas ecolóxicas da man de “Amorodo”, roscóns de Caldas e da Guarda e caldos albariños da bodega do Salnés “Pazo de Villarei”.
A promoción dos #RíasBaixasFests seguirá este domingo por Vigo, Pontevedra, Bueu, Caldas ou Cambados para reflexar a provincia nas redes sociais.
Na outra punta do #AtlanticExpress @NajlaShami deleita coa súa música aos pasaxeiros #riasbaixasfests pic.twitter.com/yiePeNWC7L
— DeputaciónPontevedra (@depo_es) 3 de junio de 2017
