O evento, con sesión infantil de 12.00 a 15.00 horas e para maiores de 16 anos de 15.00 a 23.00 horas, está previsto para preto de 3.000 persoas e terá lugar en 1.500 metros cadrados da zona de aparcamento de Praia América-Lourido.
A ‘Midnight Nigran Paint Party’ é unha experiencia completa onde o público, ademais de empaparse de máis de 2.000 litros de pintura totalmente ecolóxica, baila con DJ’s nacionais e internacionais de primeiro nivel, goza de actuacións en directo, animación, espectáculo pirotécnico… A pintura, a gran protagonista, dispénsase desde oito canóns xunto ao macroescenario, dúas bombas con mangueira e caldeiros.
‘A marca ‘Midnight’ é un referente mundial neste tipo de eventos realizándoos por todo o país e acadando o recoñecemento por todo o planeta con residencias como Privilege Ibiza (a discoteca máis grande do mundo) ou Pacha La Pineda, a marca actual máis importante de ocio nocturno», explica André Vázquez dende a organización.
A festa está destinada a un público familiar de 12.00 a 15.00 horas (nesta franxa horaria poden gozar os menores de 16 anos) e para os maiores de 16 anos de 15.00 a 23.00 horas, debendo presentar os menores de idade unha autorización dos pais ou titores que se pode descargar na página de Facebook do festival. As entradas están á venda dende 5 e 10 euros, respectivamente.
