Neste 2017 beneficiáronse destas axudas ata 196 entidades, 20 máis que o ano pasado, de 44 concellos diferentes. Concretamente foron subvencionados con este programa da Deputación de Pontevedra entidades deportivas de Baiona (4), Barro (1), Caldas de Reis (1), Cambados (3), Campo Lameiro (1), Cangas (7), Catoira (1), A Coruña (2), A Estrada (10), Fornelo de Montes (1), Gondomar (5), O Grove (10), A Guarda (2), A Illa de Arousa (3), Lalín (3), Marín (8), Meis (2), Moaña (5), Mondariz (2), Moraña (1), Mos (2), As Neves (2), Nigrán (8), Oia (1), Poio (3), Ponteareas (6), Pontecesures (1), Pontevedra (22), O Porriño (2), Portas (2), Redondela (9), Ribadumia (3), O Rosal (1), Salceda de Caselas (1), Salvaterra do Miño (1), Sanxenxo (5), Silleda (1), Tomiño (1), Tui (8), Valga (1), Vigo (29), Vila de Cruces (1), Vilaboa (3), Vilagarcía de Arousa (8) e Vilanova de Arousa (2). No caso da Coruña, trátase de tres subvencións concedidas directamente a tres federacións con sede social nesta vila pero que contan con sedes na provincia de Pontevedra.
Para a concesión das subvencións tivéronse en conta os seguintes criterios: número de deportistas ou equipos participantes, ámbito territorial, número de xornadas, antigüidade e consolidación do evento, inclusión no calendario oficial de competicións, presuposto de gastos e ingresos do evento e aportación económica da propia entidade á financiación do evento.