No circuíto 2017 foron 9 as carreiras, mentres que en 2018 serán 8, ao pasar a Subida ao Castro a xaneiro de 2019. O Concello e os organizadores seguen a apostar polas probas populares en ruta e todas repiten no Run Run 2018.
Na gala, presidida polo alcalde da cidade, Abel Caballero, que non falta á cita co atletismo popular, entregaranse unha trintena de premios entre os dos atletas que acadaron posto de podio neste campionato (23) e outros especiais e de homenaxe, no que se inclúen atletas olímpicos, grandes traxectorias e os campións e campioas de clubs vigueses das Series Municipais en pista.
Na gala tamén presentarase a Run Run Vigo 2018, con oito carreiras: Vig-Bay, Happy Go Running, Carreira da Cereixa, Correndo por Vigo, Carreira de San Xoán, Xornadas Marisqueiras, Vigo+11 e Vigo contra o Cancro.
