Todas as actuacións celébranse ás 20.00 horas no auditorio do Centro Dotacional de Torroso, situado na estrada Puxeiros-Mos. O aforamento do auditorio é de algo máis de 300 persoas. A comercialización de entradas online xestiónase a través da plataforma www.woutick.es e tamén hai puntos de venda física de entradas na cafetería do Centro Dotacional de Torroso e no quiosco Sendín de Vigo (rúa Pizarro 46).
Os prezos son de 10 euros máis gastos de xestión se se compra a localidade anticipadamente e de 13 euros se se adquire o mesmo día do espectáculo no despacho de billetes do auditorio. Non se recomenda a entrada aos espectáculos a menores de 12 anos.
