Na súa sentenza, a maxistrada estima o recurso presentado polo alcalde de Tui contra o fallo do Xulgado de Instrución, absolvéndoo do delito. Contra esta resolución non cabe recurso. O alcalde, Carlos Vázquez Padín, explicou que presentou recurso á sentenza do mes de decembro ao entender que “pola miña honra persoal valía a pena recorrer”.
O rexedor entende que agora “se fai xustiza”. Apuntou ademais que na sentenza da Audiencia se entende que en Primeira Instancia non se aplica o principio de ‘in dubio pro reo’ nin o de mínima intervención ao tempo que non hai axuste ao tipo penal.
