O músico de Drew (Mississippi) é un gran dominador da harmónica. Ademais, foi un pioneiro dentro do blues, onde hoxe en día segue sorprendendo con esa capacidade de darlle un aire fresco e cheo de innovación sen perder o son tradicional, como fai no seu último álbum ‘Tree Man’ (2019), para moitos catalogado como un dos mellores discos de blues dos últimos anos, e que estará presentando coa súa banda en Vigo, nun dos dous únicos concertos confirmados en España.
Na súa longa traxectoria musical, Boo Boo Davis compartiu escenario con lendas como Albert King. O prezo das entradas anticipadas para a súa actuación na sala Rouge é de 10 euros; 15 euros en taquilla.