Os grupos participantes poderán tocar en toda a cidade, desde as prazas da Constitución e a Princesa ata a Porta do Sol ou O Calvario así como outros espazos emblemáticos. O obxectivo é premiar o espírito creativo dos músicos vigueses.
O Vigo en vivo abre a inscrición para todos os grupos noveis da cidade, de calquera estilo musical, que queiran participar amosando o seu talento. Entre os requisitos que deben cumprir está o empadroamento no Concello de Vigo de polo menos unha parte da banda e o feito de non ter discos publicados anteriormente.
As inscricións e a información completa está na web municipal www.vigosonico.org e os gañadores do concurso poderán gravar ata tres maquetas, co primeiro premio, e realizar un videoclip.