Trátanse de dúas citas para a xuventude mosense promovidas e financiadas pola Xunta de Galicia e polo Xacobeo 2021; e organizadas polo Concello de Mos. Para a Holi Party os participantes deben ir de branco. A festa estará amenizada musicalmente polos Dj’s Xoel Muñoz e Juanma López.
Nela, os asistentes poderán gozar da fusión da música e a cor nunha tarde moi especial. Os pos de cores voarán cubrindo ao público e ás súas vestimentas brancas, inundando de colorido os exteriores do Multiusos.
A continuación, a partir das 23.00 horas, chegará o Festival Moseando con Brokktt como cabeza de cartel. O seu verdadeiro nome é Carlos Lago, pero artisticamente coñéceselle como Brokktt Skinny Boy. Este artista empezou no rap underground hai catro anos e agora é un dos creadores emerxentes máis potentes do movemento trap en Galicia. Completan o cartel do Festival os Dj’s Traffic House, Enter, Gabri Domínguez e o mosense Fergwell.
