Ambas actuacións foron consensuadas polo Goberno municipal porriñés coa diocese de Tui-Vigo e co párroco da igrexa. Igualmente, consultouse aos grupos políticos do BNG, EU Son e UDDL.
A actual Igrexa de Santa María data de 1913. Fora construída sobre o antigo templo que ameazaba ruína, baixo deseño do arquitecto Felipe Quintana. A obra foi financiada por catro filántropos porriñeses: Ramón González, Servando Ramilo, Manuel e Enrique Rodríguez.