Tras seis días de competición, a xogadora do Laroca afrontou o derradeiro día da competición igualada coa Mestra FIDE andaluza Ana Redondo, á que acabou gañando por escasos puntos de marxe. A súa supremacía na categoría foi reafirmada no espectacular campionato de rápidas no que, a falta de una ronda, xa tiña acadado o primeiro posto.
Deste xeito, Mireya volta á senda da vitoria obtendo o seu cuarto campionato de España individual, ao que debe sumar doce títulos galegos.
O próximo reto da xadrecista de Baiona, que forma parte do grupo de tecnificación da Federación Española de Xadrez, será representar á selección nacional no Europeo que se disputará en Mamaia (Romanía) entre o 5 e o 14 de setembro.
