Para construír os conxuntos artísticos do belén ou a Sagrada Familia, os concursantes poden utilizar todo tipo de materiais ou elementos que deberán ser montados sobre un taboleiro de madeira. Un xurado cualificado, vinculado ao ámbito das artes plásticas, será o encargado de valorar as distintas pezas, tendo en conta a confección das figuras presentadas, a composición do conxunto, orixinalidade, a unidade de estilo así como o grao de dificultade e execución.
As inscricións poden facerse cubrindo o boletín correspondente a esta edición, que está dispoñible na páxina web de Afundación, na seguinte ligazón: http://www.afundacion.org/es/evento/exposicion_concurso_de_beléns e envialo por correo electrónico a premios@afundacion.org ou por correo postal a Sede Afundación, Policarpo Sanz, 26, 36202. Vigo.
