Deste xeito, “Desacougo azul“, de Julia Tome, e “Amores de tumba“, de Juan A. Carreira (que contou cunha substituta para ler o seu texto), competirán cos elixidos nas tres anteriores semifinais: “Bullying”, de Alejandro Vaghetti; “Dous xastres”, de Pociñas Domar; “A veciña do 5ºB”, de M. Souto; “Fada da terra”, de Sole Literata; “Nunca antes vira o mar”, de Mónica Muñoz; e “As balas de koch”, de Francisco Fernández.
Tal e como aconteceu nas semifinais pasadas, a emoción e a calidade literaria estivo presente en toda a eliminatoria. Por iso Clara do Roxo, Amadeo Cobas, Mari Carmen Casal e Ángela Costas (integrantes do xurado desta quinta edición) salientan que a calidade literaria dos textos presentados fixo moi difícil a elección dos últimos finalistas, tanto por parte do público como do propio xurado.
Os oito relatos seleccionados competirán na final que se celebrará no Café de Catro a Catro o vindeiro 26 de maio. Para escoller os gañadores o procedemento será o mesmo que nas semifinais: cada persoa de público e xurado deberá emitir o seu voto puntuando con 3, 2 e 1 puntos os orixinais que considere máis salientables. O texto que resulte gañador tras a votación do xurado recibirá un premio de 300 euros, mentres que o gañe cos votos do público recibirá 200 euros.