O goberno local deu luz verde a dous convenios de colaboración coa Asociación Vida Digna e con Banco de Alimentos por valor de 90.000 e 86.000 euros, respectivamente. Ademais, dixo o rexedor, o Concello financia a práctica totalidade dos comedores sociais que funcionan na cidade, cun orzamento anual de 223.000 euros. En concreto, o Comedor da Esperanza recibe 23.000 euros, os Misioneiros dos enfermos pobres, 57.000 euros e Afan, 55.000 euros.
O goberno local tamén deu luz verde ás bases reguladoras para a concesión de subvencións a entidades de carácter de carácter social sen ánimo de lucro para a realización de actividades da área social. Trátase dun importe de 50.000 euros e a adxudicación é en réxime de concorrencia competitiva, ata un máximo de 3.000 euros por solicitante. Serán proxectos subvencionables aqueles que teñan por destinatarios familia e infancia; persoas maiores e discapacitados; emigrantes, inmigrantes e minorías étnicas; persoas en risco de exclusión social ou toxicómanos.