As creacións veganas estarán dispoñibles en catro locais e as que non teñen glute poderán degustarse en outros sete locais. O pulled de xarrete e cogomelos de tempada, o fungo funga, a copa e puro, o nagiri de cachucha de porco celta con boletus e trufa, a tosta de setas e froitos secos, os callos veganos con setas e calabizo, as delicias de secreto ibérico con salsa de castañas ou o risotto con cogomelos e castañas son as propostas existentes para as persoas que se decanten polas tapas sen glute ou polas tapas veganas.
Ao final deste artigo pódese descargar o plano da ruta con todos os locais participantes e as tapas que se ofrecen destacando cun distintivo a oferta sen glute e a oferta vegana.
Participar ten premio
Como cada ano, a Concellaría de Promoción Económica quere premiar aos participantes e sorteará cinco grandes agasallos: un primeiro premio cun cheque regalo de compra de 150 euros para gastar no comercio local; un segundo e terceiro premio cun cheque agasallo de 50 euros para gastar nos locais participantes e un cuarto e quinto premio consistente nun lote de produtos da Feira de Outono.
Todos os participantes poderán, ademais, puntuar as tapas que degusten para elixir a mellor desta edición.
