Durante semanas estudantes e profesores foron desenvolvendo diferentes propostas e finalmente decidiron optar pola idea presentada por Antía Mera, Samuel Romero e Breogán Torres.
A mesma ten coma base a cor azul que, “combinado co branco calado” quería representar parte da historia e a personalidade do lugar onde está o Politécnico, e do propio centro, “moi vencellado ao mundo do mar”. Asemade, escolleron unha tipografía que “transmitise tranquilidade e simbolizar a unión entre as nais e país, alumnos, profesores e o mesmo Politécnico”.
O resultado é un logotipo que veñen de ceder á ANPA para que o empregue nas súas comunicacións, coma ’marca’ da Asociación, representación ou ‘avatar’ nos seus distintos perfís nas Redes ou mesmo en material de ‘merchandising’, coma cadernos, camisetas ou cuncas.
Polo seu traballo, estes tres alumnos recibiron da ANPA 120€- 40€ para cada un- en material de deseño.
