Para dar flexibilidade e máis posibilidades ás empresas interesadas, o contrato está dividido entres lotes. O primeiro inclúe o mantemento, limpeza e reposición dos colectores, dos colectores soterrados e das papeleiras, incluíndo o seu baleirado; así como o mantemento e reposición da maquinaria e vehículos necesarios para a realización destas prestacións.
O segundo lote abarca a recollida e transporte de residuos domésticos (orgánica e voluminosos, incluídos os RAEEs -Residuos de Aparellos Eléctricos e Electrónicos-);a xestión do punto limpo municipal; a limpeza urbana e de praias e a recollida e transporte dos residuos derivados destas labores de limpeza; así como o mantemento e reposición da maquinaria e vehículos necesarios para a realización destas prestacións.
Por último, el terceiro, atende o mantemento, limpeza e reposición dos colectores para os residuos domésticos reciclables (papel-vidro-envases-pilas), recollida e transporte do mesmos, recollida e transporte de roupa usada e aceites; así como o mantemento e reposición da maquinaria e vehículos necesarios para a realización destas prestacións.
O obxectivo desta contratación é manter e mellorar o estado da cidade, garantir a estabilidade de todos os traballadores das distintas concesionarias e introducir melloras como o reforzamento do servizo no rural.
Ademais, o prego de condicións prima ademais uso de maquinaria máis ecolóxica ou a recollida porta a porta nalgunhas zonas, o que redundará nun servizo máis eficiente.
Pavillón Monte da Mina
A Xunta de Goberno Local tamén deu luz verde á clasificación de ofertas para contratar as obras de reforma da estrutura e do pavimento do pavillón de Monte da Mina, en Castrelos. O Concello investirá 260.000 euros na remodelación deste recinto polideportivo. A duración dos traballos será de catro meses aproximadamente.
O pavillón vese afectado polo desligamento de terras, o que produciu gretas na pista e modificacións lixeiras na estrutura do pavillón. Está proxectado reconstruír a fachada afectada e renovar o pavimento deportivo, ademais de mellorar a recollida de augas ou o aspecto exterior do edificio.