Así, en Samil, entre o 5 e o 7 de agosto, desde as 17.00 horas e ata as 20:30 horas, nenas e nenos poderán participar en actividades creativas como origami, chapas, pintura, xogos e tamén gozar de espectáculos de maxia e circo.
Os obradoiros municipais organizados nos barrios de Vigo desenvólvense entre o 9 e o 13 de agosto entre as 18 e as 22 horas da noite cun programa de cinco obradoiros diarios e pases de animación na rúa con zancos e percusionistas. O 9 de agosto en Bouzas, o 10 agosto en Navia, en Teixugueiras, o 12 agosto na Praza da Independencia e o 13 agosto na rúa peonil do Calvario.