A brigada Heudelet sae de Vigo, ao obxecto de unirse ás forzas de Soult, concentradas no baixo Miño, para a proxectada invasión de Portugal. Queda a praza gornecida por dous mil homes soamente, ao mando de Chalot. Os paisanos e os seus xefes, sabedores da febleza destas forzas, entre as que había un bo número de feridos e doentes, aceleran o seu abastecemento e organización, dispostos para o asalto da vila.
As tropas francesas apenas atrévense xa a saír en busca de víveres, e Chalot conmina, cada vez con maior angustia, aos rexedores para que llos proporcionen. O padre Villageliú, franciscano, de quen falaremos outro día, devagariño, consegue sacar da praza varios cargamentos de pólvora, como veremos a continuación.
17 de febreiro de 1809. Xosé María Álvarez Blázquez. «A Cidade e os Días. Calendario Histórico de Vigo» (Xerais, 2008).
