De Real Orde concédese autorización ao enxeñeiro italiano D. José Pino para que, por termo de oito anos, poida efectuar traballos de recuperación do tesouro de Rande. O concesionario era inventor dun aparato chamado “Idrocopio”, que dera resultados satisfactorios na recuperación de obxectos do fondo do mar.
Comezaron as tarefas do enxeñeiro Pino en maio de 1904, suspendéndose en decembro do mesmo ano sen resultado positivo. Pese ás prórrogas obtidas, non volveu comezar as procuras até que en 1927 obtivo un novo permiso, cuxos froitos foron novas desesperanzas.
30 de decembro de 1903. Xosé María Álvarez Blázquez. «A Cidade e os Días. Calendario Histórico de Vigo» (Xerais, 2008)
