Recibe sepultura no cemiterio de Vigo, don José María Chao, notable farmacéutico, pai do político D. Eduardo. Era profesor de química e historia natural da Escola Naval de Vigo e fora catedrático de farmacia experimental na facultade de Santiago. Ocupou outros postos importantes, relacionados coa súa profesión e tivo destacada actuación na campaña contra o cólera en 1854 cun medicamento da súa invención que produciu excelentes resultados.
2 de novembro de 1858. Xosé María Álvarez Blázquez. «A Cidade e os Días. Calendario Histórico de Vigo» (Xerais, 2008)
