Por Real Despacho desta data é outorgado o título de marquesa de Elduayen, cunha antigüidade de 19 de marzo, a dona María Ximénez de Sandoval y Saavedra, casada con don Ángel Elduayen y Mather, fillo de don José Elduayen y Gorriti, marqués do Pazo da Mercé. Tense confundido frecuentemente un co outro marquesado, estimándose por algúns escritores que o primeiro en levar o título de Elduayen foi o ilustre político de tal apelido, cando é o certo que nin el nin o seu fillo o ostentaron.
Desde 1922 é II marqués don José Elduayen y Ximénez de Sandoval, casado coa princesa de Hohenloe-Schillingsfrust, condesa de Orsay.
O marquesado do Pazo da Mercé foille concedido a don José Elduayen en 1875 e alude á posesión señorial que tiña en Tortoreos.
23 de maio de 1896. Xosé María Álvarez Blázquez. «A Cidade e os Días. Calendario Histórico de Vigo» (Editorial Xerais, 2008. Edicións Monterrey, 1960).
